FPRRD mipasaka og kaso batok ni Marbil, Abalos ug uban pang opisyal kabahin sa pagsulod sa PNP sa KOJC
Si Duterte ang bag-ong administrador sa KJC properties. Ang malicious mischief ipasaka kung adunay pagkaguba sa kabtangan..-File Photo
DAKBAYAN SA DAVAO—Mipasaka si kanhi Presidente Rodrigo Duterte og malicious mischief nga reklamo batok kang Interior Secretary Benjamin Abalos Jr., Philippine National Police (PNP) chief General Rommel Marbil, ug uban pang opisyal sa kapulisan sa operasyon sa Kingdom of Jesus Christ (KOJC) compound sa Davao City.
Si Duterte ang bag-ong administrador sa KOJC properties. Ang malicious mischief ipasaka kung adunay pagkaguba sa kabtangan.
Ang mga kaso batok kang Abalos ug sa mga opisyal sa PNP gisang-at sa Regional Trial Court Branch 15 sa Davao City.
Niadtong Agosto 24, gironda sa 2,000 ka sakop sa PNP ang 30 ka ektarya nga KOJC compound aron isilbi ang warrant of arrest batok sa pugante nga lider sa KOJC nga si Apollo Quiboloy.
Ang kapulisan nagkalot ug underground tunnel sa silong sa Jose Maria College, usa sa mga istruktura sulod sa KJC compound.
Sila Quiboloy, Jackielyn Roy, Ingrid Canada, Cresente Canada, ug Sylvia Cements nasikop na sulod sa KJC compound niadtong Domingo.
Ang malicious mischief masilutan og pagkabilanggo o multa. Pinaagi sa arresto menor o multa nga dili moubos sa kantidad sa kadaot nga nahimo ug dili molapas sa Kwarenta ka libo ka pesos (₱40,000), kung ang kantidad nga nalambigit dili molapas sa Kwarenta ka libo ka pesos (₱40,000) o dili mabanabana.”
About The Author
